Мапи Google и апликации за споделување превоз и транспорт
Вашиот мобилен телефон може да ви помогне да знаете каде се наоѓате, да ве однесе онаму каде што сакате да одите и да ви помага кога се наоѓате на пат.
Дознајте како вашиот мобилен телефон може да ви ја покаже неговата локација со една функција наречена услуги за локација (location services) и како разни апликации може да ги користат за да ви помогнат да се снаоѓате.
Пред да почнете
Овој курс е за корисници на мобилни телефон и таблети кои веќе имаат SIM-картичка. За таблети што имаат само Wi-Fi и немаат мобилни податоци преку SIM-картичка, локацијата е само приближна и таблетот не може да ве одведе до некое одредиште како што тоа би го направил мобилниот телефон.
Како вашиот мобилен телефон ја знае неговата локација
Една комбинација од хардвер и софтвер му овозможува на паметниот телефон да ја знае неговата локација:
- може да ви ја покаже оваа локација на мапа и прецизна е до пет метри.
- оваа функција е наречена Локација (Location) кај некои телефони или Услуги за локација (Location Services) кај други.
Зошто е безбедно да му кажете на вашиот паметен телефон каде се наоѓа
Безбедно е да ги користите услугите за локација на паметниот телефон бидејќи:
- локацијата не ги вклучува вашето име или лични информации.
- апликациите мора да побараат дозвола за пристап до вашата локација.
- можете да ги исклучите услугите за локација (Location Services) во поставките на вашиот телефон, во Локација (Location).
- вашиот телефон покажува икона на игличка на мапа (map pin icon) во горниот дел на екранот кога се приближувате до локацијата.
Како да ја користите Google Maps
Google Maps е популарна апликација што ви дава насоки и наоѓа локации низ целиот свет:
- достапна е за уреди со Android и уреди Apple (Apple devices).
- апликацијата Maps користи Пребарување на Google (Google Search) за да ви помогне да најдете нешта во близина.
- ќе гледате сообраќајни предупредувања, настани или судири во реално време.
- можете да добивате насоки за автомобил, пешачење, велосипедизам или јавен превоз.
- да гледате алтернативни рути што можеби се малку подолги, но да избегнувате патарини или тешки патишта.
- на Google Maps ѝ треба прием на мобилни податоци за да ве информира за рутата кога се наоѓате надвор.
- можете да преземете офлајн насоки (Offline directions) додека се наоѓате дома, но нема да добивате сообраќајни предупредувања.
Постојат и некои други апликации што функционираат како Google Maps, меѓу другите:
- Apple Maps (само за уреди Apple)
- Waze
- Here WeGo
- Maps.me
Апликации за споделување превоз и такси
Можете да употребите апликација за да нарачате такси или да користите услуга за споделување превоз (rideshare service):
- услугите за споделување превоз ги вклучуваат Uber, Didi, OLA и други.
- приватни сопственици на автомобили земаат патници и ги носат до нивното одредиште.
- превозот е претходно платен и можете да го оцените возачот со пет ѕвездички за да може услугата да остане на високо ниво.
- апликациите за такси (Taxi apps) не се достапни за сите такси-компании.
- ако некоја такси-компанија има апликација, би требало да можете да нарачате и да платите однапред за превозот.
- исто така, можете да го изберете типот на автомобил, на пример патнички автомобил или автомобил приспособен за лица со посебни потреби.
- кај апликациите за споделување превоз имајте го предвид зголемувањето на цените заради зголемена побарувачка. Во тој случај превозот станува поскап бидејќи побарувачката е висока, на пример, кога завршуваат спортски настани.
Апликации за возен ред и јавен транспорт
Апликациите за возен ред ви овозможуваат да ги планирате и користите услугите за јавен превоз полесно и попрактично:
- тие апликации опфаќаат услуги со воз, трамвај (или лесен воз), автобус и ферибот.
- можете да пребарате патување помеѓу станици, автобуски постојки, пристаништа за ферибот или комбинација од сите нив.
- тие апликации се ажурираат автоматски кога се објавуваат нови возни редови.
- исто така, ќе можете да видите ако некоја услуга се откажала или само доцни, и алтернативни начини да стигнете до вашето одредиште.
- можете да зачувате офлајн возни редови на вашиот телефон за случаи кога немате прием на податоци.
- некои апликации работаат со вашите патнички картички (на пример, Opal или Myki).
- апликациите за патнички картички ви овозможуваат да управувате со салдата на картичката и ја покажуваат вкупната цена на патувањето.
Една од најпопуларните апликации за возен ред е TripView. Оваа апликација функционира во Сиднеј и Мелбурн. Други држави имаат сопствени апликации, како што се My Translink за Квинсленд и TransPerth за Западна Австралија.
Апликации за помош на пат
Наместо да повикувате помош на пат по телефон и да чекате во редица, сега можете да користите апликација:
- резервирајте услуга преку апликацијата и следете кога ќе пристигне вашето услужно возило.
- нема потреба да знаете која е попречна улица, бидејќи апликацијата ќе ја употреби локацијата на вашиот телефон.
- пристапете до други услуги, како наоѓање бензински пумпи со најевтино гориво, купони за попуст за паркинг и друго.
Можете да пристапите до услуги за помош на пат со плаќање на членство, што обично е годишно. Ова чини помеѓу 100$ и 300$, во зависност од нивото на услуга. Некои осигурителни компании вклучуваат и помош на пат.
Апликации за сообраќај
Исто како и вашата апликации со мапи, можеби ќе сакате да користите една специјално наменета апликација за сообраќај за да бидете информирани за состојбата на сообраќајот:
- добивајте поопшти информации за целиот град или регионот.
- гледајте дали се случиле инциденти онаму каде што планирате да патувате.
- дознајте за градежни работи на патиштата и друго.
- можете да ѝ дадете дозвола на апликацијата да ви праќа известувања за нови инциденти или прекини на сообраќајот.
Повеќето држави имаат сопствени апликации за сообраќај, меѓу другите:
- Нов Јужен Велс: LiveTraffic
- Викторија: VicTraffic
- Квинсленд: QLDTraffic
- Јужна Австралија: Traffic SA
- Тасманија: TrafficTAS